الرئيس عن الزيادة السكانية: «الشعب هو اللي بيصرف مش الدولة»

أكد الرئيس عبدالفتاح السيسى، أن الدولة جادة في مواجهة التحديات، قائلا: " احنا جادين في مواجهة تحدياتنا، مش عشان ناخد إشادة من مؤسسات دولية، وأن نصنف تصنيف كويس، رغم أهمية ذلك، ولكن إحنا بنعمل ده لأن ده دورنا كحكومة ومؤسسات ومجتمع مدني".

وعلق الرئيس السيسي، خلال افتتاح مجمع الخدمات الطبية بمحافظة الإسماعيلية، على الزيادة السكانية، قائلا:"نمو السكان ما لم ينخفض إلى 400 ألف في السنة صدقونى لن نشعر أبدا وتفضل الدولة تجري".

وأضاف الرئيس: "مش الدولة اللى بتصرف ده الشعب المصرى اللى بيصرف، مش احنا اللى بنعاني الشعب هو اللي هيعاني.. أنا بعاني كمسؤول.. لكن في النهاية ابنك أو بنتك مستوى التعليم هيبقى جيد ولا مش جيد.. فرصة التغذية تبقى كويسة ولا لأ؟ ويروح يلاقى فرصة عمل ولا لأ؟ هي الحكاية كده مش الحكاية صرف 13 مليار".