هشام عز العرب: التحول الرقمي في البنوك والقطاعات الأخرى لا يعني اختفاء الوظائف بل إعادة تشكيلها ورفع كفاءتها

أكد هشام عز العرب، الرئيس التنفيذي للبنك التجاري الدولي – CIB»، أن التطوير المستمر للذات والتعلم الدائم لم يعودا خيارًا، بل أصبحا ضرورة حتمية لمواكبة التطورات التكنولوجية السريعة وضمان الاستمرارية في سوق العمل.

وأوضح عز العرب خلال حديثه فى ندوة حوارية نظمها مجلس الأعمال المصري الكندى اليوم أن التحول الرقمي في البنوك والقطاعات الأخرى لا يعني اختفاء الوظائف، بل إعادة تشكيلها ورفع كفاءتها،

وقال حيث قال بمنتهى البساطة، أنتِ اللي بتشغّلي المكنة، وبالتالي محتاجة السكيل سيتس (المهارات) اللي تخليكِ تشغّليها. المكنة ممكن تحل محل بعض الوظائف، لكنها في الحقيقة بتعمل Upgrade للوظائف دي، لأنها بتوفر وقت الموظف علشان يقدر يقدم خدمة أفضل للعميل».

وأشار إلى أن التحول نحو الأتمتة والرقمنة سمح بإعادة توزيع المهام داخل الفروع بشكل أكثر كفاءة، مضيفًا لما أعمل أوتوميشن لحاجات معينة تبقى على الموبايل، أنا بفضي وقت لزميلي اللي في الفرع، فيقدر يحل مشكلات العملاء، ويعرض عليهم منتجات جديدة، ويشرح لهم تفاصيلها. إنما لما يكون مشغول بخمسين إجراء ممكن يتعملوا إلكترونيًا، بيخسر فرصة التواصل الإنساني والإضافة الحقيقية».

وانتقل عز العرب للحديث عن أهمية التعليم الذاتي المستمر، مؤكدًا أن ما يتعلمه الفرد في الجامعة أو المدرسة لا يكفي لمواكبة التغيرات في بيئة العمل.

وقال اللي اتعلمناه في الجامعة والمدرسة زمان ما ينفعش نعيش عليه طول حياتنا. لازم نعمل Upgrade لأنفسنا باستمرار. لو ما كناش طورنا نفسنا كنا خرجنا من السوق من زمان».

وتابع أنا دايمًا بقول للشباب الصغير في البنك: لما كنت في سنكم، علشان أجيب كتاب كنت لازم أستنى حد مسافر لندن يجيبه لي، كنت بقرأ الـFinancial Times بعد يومين من صدورها، وكأني ماسك المعجم الصحاح، النهارده عندكم مكتبة فيها 300 ألف كتاب على الإنترنت، وعندكم مصادر تعلم لا نهائية».وشدد عز العرب على أن التكنولوجيا فتحت الباب أمام فرص تعلم غير محدودة، لكن يبقى على الأفراد اختيار استثمار وقتهم في التعلم بدلًا من الاستهلاك السلبي، مضيفًا بدل ما أقعد أتفرج على فيديوهات تافهة، ممكن أتعلم مهارة جديدة أو أقرأ في تخصصي أو أوسع مداركي.

النهارده أي حاجة عاوز تتعلمها متاحة بضغطة زر، ومش معنى إنك اتخرجت إنك خلصت تعليمك. التعليم الحقيقي يبدأ بعد التخرج»